Ka yung krehkaam u General Manager, District Commerce & Industries Centre (DCIC), East Jaiñtia Hills District, Khliehriat ynne da pynman ko yaka District Level Industrial Exhibition wa ar sngi ha Khliehriat East Parking Lot, Khliehriat wei ya kani ka yaaw da wan wai da u Deputy Commissioner ka East Jaiñtia Hills District, u A. Baranwal.
Ha kani ka sngi da emlang u General Manager, District Commerce & Industries Centre (DCIC), u H.N. Kharpuri, ki Functional Managers, DCIC, u G. Pala wa u P. Suja, u District Project Manager (DPM), u K. Slong, ki waheh chnong wa kiwi kiwi.
U A. Baranwal da yaroh wei da e khublei u ya ka yung krehkaam u General Manager, District Commerce & Industries Centre (DCIC) wa da e laad ya ki bru samen khamtam kiwa seiñ kreh wow pynyoo ki ya ki mar yong ki. Da kyntu u leh ya ki wow man ki bru wa chemphang kamjooh wow minot wow chna ya ki mar kiwa ryngkat wa kiwa chna ha kiwi ki bynta ka jylla.
Chooh chooh da ong u wa ka sorkar thooh ko ki laad wow yarap wow pynlai yaaw ya ki mar wa chna wa pynmih da ki tre jylla wei emkaam wow chim kabu ya kam kitæ ki laad yarap wa e ka sorkar.
U H.N Kharpuri da khana u wa i daw wa pynman ya kani ka yaaw toh wow e laad ya ki ki tre jylla wa seiñ kreh wow yoh ki ka rynsan u pynyoo ya ki mar yong ki kamjooh leh wow dai ya ki.
Kiwi kiwa da klam toh u G. Pala u P. Suja wa uwi uwa myntoi na ka PMEGP, u D. Tlang.
U A. Baranwal wa kiwi da lai pait ki leh ya 30 tylli ki dukan kiwa da chna ha kani ka yaaw.
Discussion about this post