Ka yung krehkaam District Legal Services Authority West Jaiñtia Hills District, Jowai da sdang ko ya ka ‘Pan India Awareness and Outreach” chibynta yong i lehkmen dap 75 snem ka ri namo ka ‘Azadi ka Amrit ka Mahotsav’ wa ka ‘Legal Services Week’ wei da sdang ya kani ka lehkmen nadooh ynnin ka 2 tarik hadooh 14 tarik Khonchonglad (Dec) 2021.
Ya kani ka lehkmen da sdang na District Library Auditorium, Mynthong Jowai heiwa ka B. Khriam, District and Sessions Judge-cum-Chairperson, District Legal Services Authority, da khana ko hajrong ka National Legal Services Authority (NALSA) heiwa ha waroh ka ri da lehkmen ya ka na ka 2 tarik hadooh 14 tarik Khonchonglad.
Lyngba kani ka yalang da pyntip paidbah hajrong i krehkaam ki DLSA heiwa ki paidbah ye ki wow yoh yarap lyngba ki Para Legal Volunteer (PLV), ki Muktiar dei wym emkaam ki wow su iwon iwon leh.
Ha kani ka sngi da em ka yalehke wa tbian na ki khynnah ka NSS Unit, Kiang Nangbah Govt, College, Jowai heiwa ki khynnah da leh ki ya ka Drama heiyatoh wa i hok ki bru hapoh ka ri India katkam ka riti synchaar ka ri heiwa da batai leh chiboon hei yachem ki bru wa i chah lehbeiñ ki khynthai khynnah wei da pynchlur wow wan ki chaphrang wow yoh yei hok yong ki.
Da yoh leh i rwai na ki Muktiar ka Jowai Bar Association.
Kiwi kiwa da klam ha kani ka sngi toh ka R.M. Kharsyntiew, MJS Chief Judicial Magistrate-Cum-Secretary DLSA West Jaiñtia Hills District kawa da e ya ki kyntien pdiang sñiawbha, na u Bikram D Marak, Superintendent of Police wa kiwi kiwi.
