Ka yung krehkaam ka Khadi and Village Industries Commission (KVIC), Shillong da pynman ko ya ka e sikai wa 10 sngi wa tip kam ka Skill Development Training Programme yow chna marbaam na ki soh wa ki jhoor hapoh ka Gramodyog Vikas Yojana (GVY) wa da pynman ha Mairang Mission, Eastern West Khasi Hills wei ha ka bhah wa nyngkong da em 20 ngut kiwa chah khut.
Ya ka yalang wai da wan wow embynta da u State Director ka KVIC Shillong, ki sahep ka Meghalaya State Rural Livelihood Society (MSRLS) wa kiwa yahkhmat chnong ka Mairang Mission.
U State Director ka KVIC, Shillong da khana u wa yeini u leh deiwa pynemkaam da ki mar kiwa da em chwa chajan, i wow yarap ya kiwa chna tiar, ki khynroo wym em kreh wa ki warep leh kamjooh.
Daw e sikai leh da kawa man katkam ka juk wa katni hawa chna ya ki mar baam deiwa e leh ki tiar ki taar kamjooh ki kor yow ye kiwa chna mar wow pynpliah yei sap.
Wei yow lait u sepai ki mar rep, ya kini ki thaw chna mar baam namo ki Processing Unit u booh pyn ha ka thaw rep.
Daw e leh ya ka sikai kammon wow song ya ki mar baam katkam ka pyrthai wa katni yow man kiwa miat dur.
Ya kani ka e sikai daw e da ka Master Trainer kawa man leh ka tre ka M/s Delicacies ka Silda Thabah, wei daw pynkut ka ha ka 7 tarik kawa da sdang ha ka 28 tarik uni u bnai.
