Ka Ladrymbai Handloom Weavers Cooperation Society Ltd., ha ka 13 tarik uni u bnai da sdang ko ya ka e sikai thaiñ that wa mynkna kawa da yarap poisa na ka Meghalaya State Skill Development Society hapoh ka Skills Meghalaya neibynta ki 50 ngut kiwa na kylleiñ ki chnong ka East Jaiñtia Hills District kawa da pynman ha Handloom Industry wa em ha Ladrymbai.
Kani ka e sikai toh kawa neibynta soo bnai wei hadien wa pyndep daw e lang wa ki tiar ki tar kreh.
Ya kani ka e sikai da wan u wai da u Deputy Commissioner ka District, u Shivansh Awasthi kam u kongsan hei emlang u Lambormi Suchen, Skill Development Officer MSSDS, West Jaiñtia Hills, u Waheh Chnong ka Ladrymbai-B, u Jesper Bareh, u Secretary Chnong ka Ladrymbai-B, u Cherity Suja, u Alan Tariang na District Halndloom Office, West Jaiñtia Hills, ka Lalngaii Nampui na Saipung Handloom Office wa em hapoh ka Chief Minister Prime Hub, u Ashokanand. S, u Gregory James Lamare wa u Pynsuklang Hayong.
Ya ki kyntien pdiang burom da yoh na u Jesper Bareh wei da pynlai ya ka yalang da u Reginald Khiangte, Secretary ka Ladrymbai Handloom Weavers Cooperative Society Ltd.
Neiliang u Lambormi Suchen da klam u chaphang ki laad ki kabu wa em hapoh ka Skills Meghalaya kawa yarap ya kiwa chong chnong, heijooh i por da pynchlur u leh ya kiwa chah sikai wa lada emkaam ki iwon iwon daw yoh bait ki yei yarap khlem da hap ki wow khuslai.
Neiliang u DC da ong u wa ka yung krehkaam u u kyrchaan tylli ko ya kiwa chah sikai lada emkaam ki iwon iwon wei u emlang wa ki hawa emkaam ki.
Da pynkut ya ka yalang da ki kyntien e sñiawngooh ya ki sahep wa ki paidbah na u Cherity Suja.
Discussion about this post