Ka National Institute of Disaster Management (NIDM), Ministry of Home Affairs chirup wa ka State Disaster Management Authority, Meghalaya da pynman ki ya ka e sikai wa le sngi hajrong ka Training Programme on Technologies Innovations in Weather Forecasting, Early Warning wa Last Mile Connectivity nadooh ka 14 hadooh 16 tarik uni u bnai ha Lecture Hall, Meghalaya Administrative Training Institute (MATI), Mawdiangdiang, Shillong.
Hawa sdang pynman ya kani ka e sikai, ka M. War Nongbri, Executive Director, Meghalaya State Disaster Management Authority da man ko kam ka kongsan heiwa da ong ko wa kam kani ka e sikai man ko kawa bha neibhah ka jylla da sakhi ko yei chah ktah ha ki bor ka rymaw iwa ktah won leh ya i rukom im ki bru nadooh i khih i khan waka khayi pateiñ wei deiwa yoh ya kam ini i sikai daw yarap hawa wan ban ki bor rymaw deiwa tip chwa chwa u jia.
U Dr. Rajnish Ranjan, Senior Consultant, NIDM New Delhi da man u uwi na ki bru chemphang ha kani ka e sikai.
Ka thong yong kani ka e sikai toh wow hikai ya ki bru wow tip chwa wow jia iwon iwon khamtam i man i suiñ bneiñ wei kammon u yarap ya kiwa chah ktah heijooh i por leh wow tip ki bru wa chong wa sah cha kdong cha chmiang dooh yow man kiwa da pynkhreh.
Sa kawi won ka thong toh wow pynsñiawthooh ya i rukom krehkaam ki tiar katkam ka juk wa katni wa da pynkrehkaam da kiwi ki chnat sorkar wa kamjooh ha ki chnong ki thaw wow pyntip paidbah chwa wow slap wa kiwi kiwi.
Chooh chooh ha kani ka e sikai daw hikai hajrong ki kyndon krehkaam ki aiñ wei kammon wow pynkrehkaam ya ki manda emkaam. Heijooh i por leh wow tip yei krehkaam ki Automated Weather Station wei wow man ki bru chemphang ha jar jiar ki bynta.
