Kiwa nyngkong dooh namo ka 1st Batch wow chah sikai hapoh ka RAMP (Raising and Accelerating MSME Performance) da sdang ki ya ka Executive Course on Electrical Appliances Repairing ha ka 23 tarik uni u bnai heiwa kini kiwa chah sikai toh kiwa na East wa West Jaintia Hills District.
Ha kini ki 15 sngi wow wan, ki 25 ngut daw yoh sikai ki yow pynpliah yeiwa da tip ki chaphang ki tiar ki tar wa pynemkaam bordiñ kawa da pynman da ka Bosco Pnar Multipurpose Vocational Training Centre, Jowai.
U Fr. Francisco Dhar, Principal, Bosco Pnar hawa e yei klam da ban joor u wow pynemkaam yei stat wa daw yoh ki neini deiwa e myntoi cha kiwi yow e mynsien ya ki leh yow bood ki ha ka luti wa bha. Da pynchlur u leh ya kiwa chah sikai wow ya saam leh ki ya ki buit wa bha.
Neiliang u Akashdeep Das, SPIU, RAMP da khana u wa ka RAMP toh kawa daw sdang boon kiwi ki jait sikai wei ye leh u jied da kawon kwah ki wei man ko leh neibynta waroh ki District ka jylla yow man ki kiwa da pynkhreh wow lai khih wei wow pynpliah leh yei sap yong ki yow yarap leh u pynmih ki karkhana wa khian.
Neiliang u Eborki Pyrbot, Functional Manager, DCIC da pynchlur u ya kiwa chimbynta wow man kiwa da raikut wei wow man kiwa skem wei ymtoh wow dooh mynsien wei lada ym hoi ki ha ini i khih, daw ye ki wow jied da kawi tawon wei hapoh ka RAMP e laad ko wow leh yeini, kamtæ ymtoh wow dooh mynsien ki.
Chooh chooh da pynchlur wow chim kabu ya kani ka e sikai wa dei mynkna neibhah ymtoh kawa wan man-i-por wei wow kynmoo ki leh wow thooh yei stat wa thymme neibhah ymtoh u kut du ha ini, kamtæ lada emkaam yarap ki ye ki wow wan cha ka yung krehkaam ka DCIC ha iwon iwon i por.
Neiliang u P. Toi, Chief Executive Officer, MKVIB won da ong u wa deiwa pyndep ya kani ka chah sikai daw man ko ka luti neibynta ka mynried wa miat wa bha, kamtæ da ong u wa emkaam bha wow jied ya ka jait sikai wa ka’it wa yatoh wa ki neibhah em boon ki jait sikai wa mynkna wa e ka chnat yong oo.
Ya ka yalang da pynlai da u Fr. Abialstar Kharsohtun, Administrator Bosco Pnar wa u S. Pale, IPO, DCIC, Jowai wei da pynman da ka Department of Commerce & Industries ka sorkar Meghalaya deiwa ya krehlang wa ka Bosco Pnar-Multi Purpose Vocational Training Centre, Jowai.
Discussion about this post