Sdang ka e sikai ya ki kynthai kammon wow yada pyn ya idæ

Kam chibynta yong ka International Day for the Elimination of Violence Against Women da pynman ya ka Awareness Campaign waka Self-Defense neibynta ki khynnah kynthai ha Yungwalieh ka Dorbar Chnong Dulong, Jowai ynne ka sngi.

Ya kani da pynman da ka District Hub Empowerment of Women, Department of Social Welfare, West Jaiñtia Hills District, Jowai chirup wa ka Jowai Police Department deilang ka West Jaiñtia Hills District Taekwondo Association heiwa u G.H. Passah, Assistant Commissioner, WJH da man u kam u kongsan.

Kam chibynta kani ka Campaign u em leh ka e sikai wa san sngi kammon wow yada ki kynthai pyn yaki hi. Ka thong hi toh wow ngait skem ki kynthai wow ye ki u yada pyn daki yaki hi la ha iwon iwon i bynta.

U C. Langstang, Secretary ka West Jaiñtia Hills District Taekwondo Association uwa man leh u Joint Secretary ka Meghalaya Taekwondo Association daw pait u ya ini i e sikai.

U G.H Passah hawa e i klam da ong u wa em chiboon i eh i khor wa maad ki kynthai wa ki khynnah deiwa kdaw ya i chah jrongkti ki neidaw wa man kynthai ki wei man iwa ktah bha ha ka imlang sahlang. 

Da ong u wa ka luti wa nyngkong wow yaleh pyrchah yei chah thombor ki kynthai toh wow klam hajrong itæ wei emkaam u tip ya kiwa chah ktah wa ya kiwa emkti heitæ.

Da ban joor u leh hajrong wow kyrchaan ya kiwa chah ktah wei wow pynsñiaw yei man chngaaiñ yong ki wow klam. Da kyntu u leh wow kyrchaan ya kiwa chah ktah ha kiwa boon ki liang nadooh i chait i khiah, ka aiñ wa kiwi wow pyndooh ya i chah thombor ki kynthai.

U FGN Rynga, District Mission Coordinator (DMC) da batai u ya ki bynta ka Mission Shati Schemes kam ka One Stop Centre, Women Helpline 181, Beti Bachao Beti Padhao, Pradhan Mantri Matru Vanddana Yojana wa Palna.

Related posts

Ha ka Military Cemetery wa em ha Europe chem yei thaw tlep ya kiwa na Garo kiwa yap ha ka World War-I

September 25, 2026

Pynbna ka Mihmyntdu ya ki kyndon nadooh ya kiwa chong dukan wa kiwa chong chnong

September 25, 2026

Da khana u leh wa kani ka Campaign toh kawa 16 sngi wei da sdang ko nadooh ka 25 tarik uni u bnai hadooh 12 tarik u Kmaichonglad (Dec), 2025.

U S. Shadap Mannar, Officer In-charge Jowai Police Station da batai u hajrong ka Cybercrime, i chah chukor ha ka juk wa katni, deiwa kyntu wym toh u khana ya iyi iyi yong idæ, wow booh Password da kiwa khlan, wow tip ya i maa wa mih na ka Internet wa kiwi.

Ka I. Kharpran, Officer In-charge Women Police Station Jowai da batai ko hajrong ka aiñ POCSO (Protection of Children from Sexual Offences) Act wa kiwi.

Neiliang ka Y. Najiar, District Social Welfare Officer cum District Nodal Officer, DHEW, Jowai da e ko ya ki kyntien khublei.