Ka e sikai neibynta ki Community Volunteers ki wow e yarap manda em i jia wa pynyoo bor ka rymaw hapoh ka Scheme “Upscaling Aapda Mitra” neibynta ka East Khasi Hills District da sdang ynne ka sngi deiwa wan wai ka D. Phawa, ADC wa CEO, District Disaster Management Authority (DDMA), East Khasi Hills District ha ka yalang wa pynman ha Central Training Institute, Mawdiangdiang deiwa emlang ka P. Lyngba, DDMO, East Khasi Hills District, ka B. Kharkongor, Commandant, CTI wa kiwi de.
Ka Upscaling Aapda Mitra Scheme toh kawa da pynkrehkaam daka National Disaster Management Authority (NDMA) deiwa ya krehlang waka State Disaster Management Authority (SDMA) heiwa da em 200 ngut ki Volunteer wa wan ki kiwa boon ki dong ki chnong, deilang naka NSS, NYK, Bharat Scouts & Guides wa na ki College ka East Khasi Hills District yow yoh sikai yeiwa emkaam ki u tip.
Ka D. Phawa da ong ko wa i thong kani ka Scheme toh yow pynkhreh ya ki Volunteer kiwa man kam kiwa nyngkong dooh wow wan e yarap yow ye ki wow leh yeini hei rukom wa biang.
Kam chibynta kani ka Scheme, ka Phawa da pyntip ko wa ka District Disaster Management Authority (DDMA), East Khasi Hills District daw e sikai deiwa yabhah ha ki 6 tylli ki dhab heiwa daw em 30-35 ngut ha kawi ka dhab.
Kani ka e sikai daw leh da ki bru ka State Disaster Response Force (SDRF) wa ki bru ka Fire & Emergency Services.
Manda pyndep yaka e sikai, kini ki Volunteer daw yoh ki leh ya ki tiar ki tar yow yarap ya ki kamjooh wow yada nadooh ki Life Jacket, ki Emergency Light, Safety Gloves, Pocket Knife, First Aid Kit, Gas Lighter, Whistle, klong um, muna, musari, ka T-Shirt wa em i chap ka NDMA, ki Gumboots, Safety Goggles waka Safety Helmet.
