Ka Government Boys’ Higher Secondary School Jowai ynne da sdang ko ya ka tayaaw lehkmen yong ka skur kawa da e pyrtuid Exuberance 2024, wei kam ka dak i sdang da wan wow pynhær ya ka lama yong ka skur da u Mewothi Nongpluh, Executive Engineer PWD Building, Jowai uwa da man leh kam u kongsan ha ka yalang wa da pynman ha pchem kani hi ka skur.
Ya kani ka lehkmen da pynkhreh ha deilang ka phang kawa ong “Unlock Your Potential-Discover, Compete and Shine”.
Ha ka yalang wa pynlai u S. Dkhar, da yoh i klam pdiang na ka Principal Govt Boys’ ka Safetycare Bareh, i klam yahkhmat heiyatoh wa kani ka lehkmen na ka Secretary Exuberance 2024, ka Dayarisa Lyngdoh wei da yoh leh ka Mass Drill na ki khynnah skur.
U kongsan, u Mewothi Nongpluh hawa klam ong u ka skur toh kawi ka laad wa kongsan tam kawa wai laad yow yoh pynyoo ya ki sap ki phong wa boon jait la heiyatoh i lehke Sport, i rwai, i chaad, i put i tem, i sap dro dur wa kiwi.
Kamtæ lyngba i pynman ya kani ka tayaaw lehkmen dei chimkhia ka Principal, Vice Principal wei waroh kiwa sikai yooluti u wa ki khynnah u ya chimbynta chongchit ki ha jar jiar i sap, neibhah ym waroh ki khynnah skur wa ye u man Engineer, Doctor næ kiwa sikai wa kiwi de.
Kyntu haroh u ya ki khynnah skur wow man kiwa jai jai la ha iwon iwon i thaw wa em ki, najrong wow pynemkaam hok yei sap wa da e u Blai. Neibhah waroh e u i jooh i thij i pyrkhat tangwa du kiwa kreh chitom kiwa thooh sakhiat yei sap kiwa ye u khu chakhmat.
Da pynkut ya ka yalang dei klam e khublei na ka Vice Principal, ka Louella Mary Lynrah.
Discussion about this post