Khliehriat: Ka Inter School Athletic Meet 2019 wa le sngi wa pynman da ka yung krehkaam u District Sports Officer, East Jaintia Hills District da wan wai ya ka ynnin ka sngi da u Veivekanand Singh, IPS, Superintendent of Police, East Jaintia Hills District, Khliehriat heiwa da wan chimbynta 22 tylli ki skur na kylleiñ ka District.
U kongsan u Veivekanand Singh hei klam yong oo da pynchlur u ya ki khynroo khyllood wow pynmyllien ki ya ka yalehke Sport lada man ki yalehke kiwa pynman cha lait namo chapoh yung wa yarap ko u ym du wow pynkhlan yei doh i pran kamjooh leh pynchait ko yei rukom pyrkhat. Heijooh i por da ong u wa ka puræ puthi man ko kawa emkaam bha wei i chimbynta ha ki kaam Sports leh daw yarap ko wow pynwan dur ya rukom man ki khynnah kamjooh ya ka mynried yong ki. Da ong u leh ya kitu kiwa ym ye de u dam u pynemkaam ya ki Mobile Phone wow dam chwa ki ya ini i myllien wa sih wei wow pynlut por ha ki kaam Sports.
Da pynchlur u leh ya waroh kiwa wan chimbynta deiwa ong wa ha ka yalehke Sport ym em kiwa rem wa kiwa jop, iwa emkaam dooh toh wow chimbynta.
U K. Passah, District Sports Officer, East Jaintia Hills District ha i ktien pdiang burom u, da pynsñiaw u yei sñiawngooh ya waroh ki lok ki jor, ki sahep, ki Sports Associations ka District kiwa wan yarap yow pynman ya kani ka Lympung kawa jop.
Da pyntip u wa kiwa yalehke bha kiwa poi cha khmat daw jied ya ki yow mihkhmat ya ka District ha ka State Level School Athletic Meet wei lada leh bha ki daw chah jied ki wow chimbynta hadooh ka kyrdan ka ri waroh kawi.
Ha ka sngi wa nyngkong kiwa jop takma toh:
Discuss Throw Under-18 Girls
Gold Medal: Soul Kyndait, Sham Sham Secondary School
Silver Medal: Wida-e-mitre Shullai, Ieng Swer Memorial Secondary School
Bronze Medal: Fancy War, Sacred Heart Secondary School
Long Jump Under- 14 Boys
Gold Medal- Damechi Chyrmang, Good Shepherd Secondary School
Silver Medal-Karan Sharma, Good Shepherd Secondary School
Bronze Medal- Sakhi Dkhar, Sein Jait Tuber Higher Secondary School
4 X 400 Meters Relay Race Under -18
Gold Medal- Sein Jait Tuber Higher Secondary School
Silver Medal- Sham Sham Secondary School
Bronze Medal- Holy Trinity Secondary School
Discussion about this post