Ka East Jaiñtia Hills District Level Inter School Athletics Meet 2025 kawa le sngi wa pynman da ka yung krehkaam ka District Sports Officer, East Jaiñtia Hills District deiwa ya krehlang wa ka East Jaiñtia Hills District Sports Association (EJHDSA) da sdang ya ka ynne ka sngi ha Teilang Playground, Dkhiah West, East Jaiñtia Hills District.
Ya ka yalang wai pyrda da wan wow embynta da u Additional Deputy Commissioner, East Jaiñtia Hills District, u S.R. Marak, u Additional Superintendent of Police, East Jaiñtia Hills District, u S. Pasleiñ deiwa emlang ka District Sports Officer, East Jaiñtia Hills District, ka Stephanie M Rapsang, u District Public Relations Officer, East Jaiñtia Hills District, u E.S. War, ki Principal ki skur, kiwa ksohkaam ki Sports Associations hapoh East Jaiñtia Hills District, ki khynnah skur wa kiwi de.
Ki skur wa da wan wow chimbynta da em ki 23 tylli deiwa em palat 600 ngut ki khynnah wa chimbynta ha ki yakob wapær waphær wa em 42 tylli.
Ha ka yalang wai pyrda da yahkhmat ya kiwa rah lama da u Rishanmeki Ryngkhlem uwa man kam uwa yalehke wa pawnaam ka District.
Ha ka Shot Put ki Under-16 Boys, u Nightiful Sukhlain na Khliehriat Presbyterian Secondary School da yoh u ya ka Gold Medal, u Arwinki Rymbai na Wapung Higher Secondary School da yoh Silver Medal u katwa u Mutskhem Sari na Seiñ Jait Tuber Higher Secondary School da yoh u ya ka Bronze Medal. Ha ka Under-18 Boys won, u Vincent Chyrmang na Wapung Higher Secondary School da yoh Gold Medal wei pynbood da u Ram Lyngdoh na Sein Jait Tuber Higher Secondary School uwa yoh Silver Medal wa u Edyson Dkhar na Sham Sham Secondary School uwa yoh Bronze Medal.
Ha ka High Jump ki Under-18 Boys, u Kynsai Rymbai na K.B. Memorial Secondary School da yoh u ya ka Gold Medal, u Heimonmi Dkhar na San Shnong Secondary School da yoh Silver Medal katwa u Daoshwa Dkhar na Wapung Higher Secondary School da yoh Bronze Medal u.
Ha ka Long Jump ki Under-18 Girls, ka Fancy Meliorate Siangshai na K.B. Memorial Secondary School da yoh Gold Medal ko, ka Olivia Bareh na Ambrose Memorial Secondary School da yoh Silver Medal ko katwa ka Juh Phawa na Seiñ Raij Branch (Jaliyah) da yoh Bronze Medal ko.
Ha ka Javelin Throw ki Under-18 Girls, ka Eunikilalthangthari Ngamlai na Khliehriat Presbyterian Higher Secondary School da yoh Gold Medal ko, ka Sathi Phawa na San Shnong Secondary School da yoh Silver Medal ko katwa ka Tholinda Swer na Rymbai Government Secondary School da yoh Bronze Medal ko.
Discussion about this post