Ka Inter School Football Tournament (Subroto Cup) 2022 ka West Jaiñtia Hills da sdang yaka ynne ka sngi kawa da em 43 tylli ki skur wa da chimbynta ha ki kyrdan yalehke Under-17 Boys, Under-14 Boys wa Under 17 Girls.
Ynne da sdang da ki yalehke ki Under-17 Boys heiwa da pynman ynrutylli ki yalehke heiwa kiwa rem toh kiwa da dooh wow lai chakhmat namo ka Knockout.
Ha ka yalehke wa nyngkong, ka Ialong Secondary School da jop ko yaka Don Bosco Secondary School, Mihmyntdu da 3-2 lyngba ka yachut Tie-Breaker.
Ka Government Public School, Jowai da jop ko yaka Demthring Presbyterian Secondary School da 1-0.
Ka Nartiang Presbyterian HS School da jop ko yaka Police Public Secondary School da 3-0.
Ka Kiang Nangbah Govt. HS School da jop ko yaka Achievers Secondary School Ummulong da 1-0.
Ka Government HS School, Jowai da jop ko yaka Trangblang Govt. UP RMSA da 2-1.
Ka North Liberty HS School da jop ko yaka Shangpung Govt. UP RMSA da 4-0.
Ki yalehke ka Under-17 Boys u pteiñ biang ki mynstep da 6 tylli ki yalehke.
Ki Under-14 Boys wa Under-17 Girls daw dang ki haka 13 tarik uni u bnai.
