Ka Intergrated Health Camp da sdang ya ka ynne ha West Jaiñtia Hills District hajrong ka thong wow e sumaar wa janai neibynta ar bnai ha waroh kawi ka District, wei wow pynman 17 tylli ki Static Camp wa ki Outreach Service wow kynjoh 150 hadooh 200 tylli ki chnong hapoh ka District.
Ya kani ka Health Camp da pynman dei krehlang ka District Medical & Health Officer, Jowai, ka yung krehkaam u Deputy Commissioner ka West Jaiñtia Hills Deputy Commissioner, ka Meghalaya Aids Control Society, Shillong wa kiwi ki chnat sorkar.
Ha kini ki ar bnai ki paidbah u yoh ki ya ka General Health Checkup, wow Test wei wow sumaar ya ka kjut Tuberculosis (TB), i Test HIV, Hepatitis B&C, i leh MHIS Registration wei daw lai leh cha ki yung ki sem.
U A. Lipon uwa man u President ka Synjuk Ki Waheh Chnong Ri Jaiñtia da man u kam u kongsan hei emlang u Waheh Chnong ka Ladthadlaboh u A. Shullai wa kiwi kiwi.
U A. Lipon da yaroh u ya kani ka Health Camp deiwa ong wa i chait i khiah man i iwa kordor bha ya waroh wei emkaam u chim kabu yeini wa da leh katni. Da yaroh u leh ya kiwa kreh ha i chait i khiah wa kiwa kreh sñiawbha namo ki Volunteer deiwa pynchlur ya ki paidbah wow chimbynta ha kani ka e sumaar khamtam manda wan kiwa kreh cha ki yung ki sem.
Ka Dr. (Mrs) B. Decruse, Project Director, MACS da khana ko yei myntoi kani ka Integrated Health Campaign khamtam kawa kyruiñ cha ki thaw palatsor deiwa ong leh wa ka HIV man ko ka bynta wa khia neibhah emkaam wow pynsñiawthooh ya ki paidbah heiyatoh wa kani ka kjut.
Ha kani ka sngi da yoh leh i klam na ka R. Passah, District Social Welfare Officer heiwa da pynlai ya ka yalang da ka Dr. M. Syngkon, District Surveillance Officer, Jowai katwa ka Dr. S. Suja, DNi, NVHCP da e ko yei kyntien khublei.
Discussion about this post