Kam chibynta i lehkmen yei dap 75 snem ka National Cadet Corps (NCC), neiliang u Montri Rangbah ka jylla, u Conrad K Sangma da kaweh lama u ya ka Northeastern Region Car Rally ka NCC ynne ka sngi ha Soso Tham Auditorium,Shillong.
U Conrad hawa e yei klam da e khublei wei da e yaroh u ya ki NCC yei kreh chitom ki yow tei ya ka ri wei wow wanrah yei mynsien maya ri ha ki khynroo ha ki 75 snem kiwa da lai.
I thong kani ka Car Rally toh yow e laad ya ki khynroo na kiwa boon ki jylla wow yachem wei wow ya sñiawthooh uwi ya uwi nadooh ki jait kreh, ka dustur riti, ki ktien ki thylliej yow wanrah yei yatylli hapoh ka ri.
U Conrad da e khublei u leh ya ka Maruti Suzuki kawa da pynlut neibynta ini deiwa kyrmen wa kani ka Rally wym toh u kut ko du hapoh ka thaaiñ North East.
Waroh ki kari wa da chimbynta da em ki 12 tylli ki Maruti Suzuki Jimny kiwa da e da ka Maruti Suzuki kiwa daw lai cha waroh ki jylla ka North East lait noh na ka Manipur wei daw pynkut ha Guwahati ha ka sngi wa tip kam ka NCC Day.
Ya kani ka Rally da pynman deiwa ya krehlang ki 277 tylli ki skur, 151 tylli ki College yong ki 44 tylli ki District ki 6 tylli ki jylla.
Discussion about this post