Ka Jal Diwali -“Women for Water, Water for Women Campaign ” hapoh ka Ministry of Housing & Urban Affairs da sdang ya ka ha Meghalaya ynne deiwa pynman ya ka lehkmen ha Urkhla Water Treatment Plant, Jowai.
Ka Ministry of Housing and Urban Affairs ka sorkar India da pynman ko ya kani ka “Women for Water, Water for Women Campaign” yow lehkmen ya ka Jal Diwali nadooh ynne hadooh ka 9 tarik uni u bnai.
Kam chibynta ini, da yah ya ki kynthai na ka SHG kiwa man ki dkhot ki DAY-NULM cha kani ka thaw pynkhooid um namo ka Water Treatment Plants (WTP) wow pynyoo ya ki yei rukom pynkhooid um yow pynpoi ya ka um wa hoi u dih cha ki yung ki bru. Ka thong wa hakhmat toh yow wanrah yei sñiaw yajan wei wow em i mynsien mantre hapyrdi ki kynthai wa ki thaw saam um.
Ha kani ka yalang ha Jowai da sdang da ki kyntien pdiang naka City Coordinator ka DAY-NULM, Jowai, ka Emica S. Rymbai kawa da pdiang sñiawbha ya ki sahep ka AMRUT, DAY-NULM, PHE wa ki dkhot ki SHG wa da emlang.
Neiliang ki sahep ka AMRUT wa kiwi de da batai bniah ki yei thong yong kani ka Jal Diwali wei yei daw wa da wan yah cha ini i thaw deiwa pynchlur ya ki wow chimbynta ha ini yow pynyaar yei sñiawthooh ki chaphang i saam um ha ki chnong yong ki.
U SDO, PHE wa pait ya kani ka Treatment Plant, u Roskil Challam da lai yah u wow pynyoo wei batai yei rukom pynkhooid ya ka um wei da jubab u leh yeiwa da kylli ya oo.
Hadien wa kut ini waroh da pynman ya ka yalang wa khian yow ap u sñiaw yeiwa ong kiwa chimbynta heiwa ki dkhot ki SHG da ong ki emkaam bha wow yada ya ka um.
Ya kani ka Jal Diwali daw pynman leh cha kiwi ki chnong kam ha Mawphlang haka 8 tarik wa ha Nongstoin ha ka 9 tarik.
Discussion about this post