Jowai: Ka Jamboree kawa ar namo ka yachem lang ki khynnah skur wa puræ Class IX hadooh Class XII ka West Jaiñtia Hills District da wai ya ka ynne ka sngi ha Northeast Adventist College, Khliehtyrshi da u D.M. Wallang, Additional Deputy Commissioner uwa man leh kamjooh u Member Secretary ka District Art & Culture Society hajrong ka phang “Igniting Young Minds”.
U Wallang hei klam yong oo da ong u wa hadien ka Jamboree wa nyngkong wa pynman ynnin u snem man ko kawa jop, ki bor pyllai District da sñiaw ki wa emkaam wow pynman biang ya ka sa chisien kawa man kam ka laad ya ki khynnah wow mih ki na ki kamra skur yong ki yow yohlaad ki u ya yachem lok wa thymme yow pynkhyrngiat pynthymme yei rukom pyrkhat, u yachimbynta ha ki kaam wa boonjait dei yakrehlang wa kiwi ki khynnah puræ. Da pynchlur u leh ya ki khynnah wow chimbynta ki ha waroh ki yalehke wei wow booh ki ya ka thong waka luti wow lai ki wei ymtoh u yait ki naka deiwa leh ya ki kaam wa pyrchah ya ka imlang sahlang.
Ka B. Blah, Block Development Officer, Thadlaskein C&RD Block kawa man leh kam ka Chief Programme Coordinator da pyntip ko wa ha uni u snem da wan chimbynta da 125 ngut ki khynnah na ki 12 tylli ki skur heiwa 10 ngut na kawi ka skur da yoh ki jar jiar kiwa sikai ki wow yahluti ya ki.
Ha i step da pynman nyngkong da ka yalang wow pyntipmit iwi ya iwi wei da yabhah ha ki jar jiar ki dhab wei kani ka Jamboree u pynkut ya ka haka 27 tarik.
Da pyntip ko wa ha kini ki le sngi daw yohlaad ki khynnah u ap yei klam na ki bru wa chemphang kiwa kreh ha kiwa boon jait ki kaam kam u Dr. S. Syiem, uwa daw klam chaphang i chait i khiah i pytkhat pyrdaiñ ki khynroo, u Nathanial Majaw uwa daw klam chaphang ka Information Technology wei daw em leh ka phyllu yumut (Panel Discussion) hajrong ka phang “Ignited Minds- Don’t Give up, Don’t Ever Give Up” heiwa u Hame Shaniah Suiam, International Kick Boxer, u A. Dkhar, Secretary UDP, u David Laitphlang, President Shillong Press Club, u A.T. Kharujon uwa rwai ka dhab tem Snow White, u Vijay Byasat, MD, COLKS wa u SP ka WJH u Vivek Syiem, MPS daw klam ki wa ki kaam wa kreh ki.
Daw em leh ka lai kjat nadooh na Khimusniang cha Muphlang hajrong ka phang, “Traipse on the Ancient Royal Highway”, ki yalehke Aerobics, ka e sikai First Aid da ki Home Guard Department, ka e sikai Self Defence da ka Meghalaya Karate Do Association, Shillong, ki ya khana parom ki yakop thoh Poetry wa kiwi kiwi.
Discussion about this post