Sdang ka jhaad wa heh dooh ha pyrthai yei lai luti wa nyngkong

Ka jhaad wa kit bru namo ka Cruise Ship wa heh dooh hapoh pyrthai kawa tip kam ka Icon of the Seas da sdang ko yei lai luti wa nyngkong dooh deiwa mih ha Miami Florida, USA hei janmiet ka 27 tarik.

Kani ka jhaad toh kawa jrong 365m, em ko 20 tylli ki mala namo ki Decks, ye ko wow kit 7,600 ngut ki bru wei da mantre yaka da ka Royal Caribbean Group.

Kiwa kreh hapoh kani ka jhaad da em ki 2,350 ngut.

Ha kini ki 7 sngi daw lai ko na kawi ka dawlynnong cha kawi wa em ha Caribbean.

Related posts

Da wai ya ka By and By Music Academy wa em ha Jowai

April 1, 2025

Da kyrriah ya i dukan Shanie cha Mookyrdup, Jowai

March 30, 2025

Kani ka jhaad toh kawa pynemkaam da ka Liquefied Natural Gas (LNG) iwa da pynkuslai ya kiwa maya rym-aw neibhah daw pynmih ko yaka la-ær Methane kawa tip leh kam ka Greenhouse Gas kawa pynchit yaka pyrthai.

Ya kani ka jhaad da chna ha Turku, Finland wei i chnong wa em pyrtuid ko toh hapoh Bahamas. Em ko leh 7 tylli ki Swimming Pool wa 6 tylli ki Water Slide deilang wa kiwi de ki thaw yalehke nadooh ka Mini Golf, ka thaw leh Surfing, Ice Skating, ka Cinema wa kiwi kiwi de kam ki rynsan ya kiwa tem wa put.

Da chna yaka hei lut wa $ 2bn wei em ko palat 40 tylli ki thaw baam, ki thaw dih wa ki thaw chongke.