Ka yaaw Trade Fair wa nyngkong wa da pynman da ka seiñ “Chibor Iong I Foundation”, hei yahkhmat u President, u Chanbor Ryngkhlem deilang ki dkhot, da wai ya ka ynne ka sngi ha madan Mihmyntdu wa em harood u sarokbah.
Ya kani ka Trade Fair da wan wow wai ya ka da u OC ka Jowai Police Station, u S. Mannar uwa da yaroh leh ya ka “Chibor Iong I Foundation” wa lyngba yong ka da ye u wanrah ya kani ka yaaw khayi pateiñ kawa daw man i myntoi ya ki paidbah ka Riloom Jaiñtia hei wow yoh ki u thied ya ki tiar ki tar wa boonjait deiwa yooluti leh u man ka yaaw wa yoh nong yoh ni.
Ha kani ka Trade Fair, ki paidbah ye ki u yoh ya ki tiar wa boonjait nadooh ki tiar pynemkaam ha ki yung ki sem kam ki chuki, ki pyrda, ki yanep wa kiwi, ki tiar pynriam ya ki yung ki sem, ki tiar kyndehke ya ki khynnah, ki dawai Ayurvedic, ki sula ki that, ki tiar pymiat yei dur i daar neibynta kynthai wa chynrang, neitæ ki muna wa boon jait yong khynnah wa ki waheh, ki jait baam achaar wa boonjait wa kiwi kiwi de.
Kani ka Trade Fair daw pynkut ka ha ka 15-03-25.
Discussion about this post