Jowai : Ka Lion Mission Compound Dorbar Shnong, Jowai Sports & Youth Affair’s Committee ha ka 26 tarik da sdang ki ya ka 2nd Invitational Knockout Tennis Ball Cricket tournament 2016 ha Madan Biar, Pohskur.
Ha kani ka tournament da em 17 tylli ki dhab wa wan chimbynta wei da sdang ya kani ka lympung da ka yakhun ha pyrdi ka Emerging Sixer pyrchah ya ka Emerging Star.
Ha chwa wow wai ya kani ka lympung da em chwa ka yalang wa tbian wa pyllai da u Pynhiam Kharkongor, Chairman Sport & Youth Affairs Committee, hei emlang ki dkhot ka Committee wa kiwi kiwi.
U Waheh Chnong u ma M.C.Rymbui, hei klam yong oo u da pyneh bok eh nasib u wa kani ka tournament u man ko kawa lai bait nadooh wa sdang hadooh wa kut.
U kongsan u ma K. Lyngdoh Adviser Sports & Youth Affairs Committee da kyntu u ya kiwa wan chimbynta wa u man ki kiwa maya wei wow chimkhia ya ki kaam sport neidaw wa man ko kam ka lad wow yoh i doh i pran wa chait wa khiah kawa man kordor palat ya ka spah.
Da ong chooh chooh u leh wa deiwa pynman kam ya kani ka tournament kiwa emsap yoh lad ki u pynbniah chooh chooh ya ki sap yong ki kamtæ ym hoi u pynsepai kam kani ka kabu u chimbynta.
U ma Lyndgoh da pynhær u leh ya ka lama ka Dorbar Chnong kam ka dak wow wai ya kani ka lympung.
Ya kani ka lympung daw pynkut hapoh ka 9 tarik u Thohlakhmi weiwa kiwa jop daw rah lang ki waka song poisa T. 20,000 ki wa ar T. 10,000.
Ha ka yakhun wa nyngkong da yaleh mar 10 over ha pyrdi ka Emerging Sixer pyrchah ya ka Rising Star.
Da bat nyngkong da ka Emerging Sixer wei da yoh ko 52 run dei wa hap lut waroh ki dat bat ki.
Ka Rising Star won da ye ko u beh ya kini ki 52 run deiwa yoh 55 run heiwa dooh ki du ar ngut donhi kiwa dat bat.
Discussion about this post