Jowai: Ka Kiang Nangbah Govt College, Jowai hapoh i pyllai iong ka KNGCSU da sdang ki ia ka Collage Week wa Fresher’s iong ka ynnin ka sngi ha Auditorium Collage ha ryngkat i ia emlang U SP West Jaintia Hills u R. Mithu kam u synbood kongsan, ki nongsikai wa kiwi an kiwa chah khut sniawbha.
Ha kani ka sngi sdang da ioh yei rwai pdiang na ki khynnah skur i klam tbian na ki nongsikai kani ka Collage wa na u Secretary iongka KNGCSU u ma Balarian Lamin.
U SP ka West jaintia u R.Mithu hawa e yei klam, da klam u chaphang i yatoh i jinglong i jingim wei da sneiñ da kyntu u ia ki khynnah wow man ki ki khynnah kiwa adkar khnang wow poi ki cha ka thong.
U kongsang ha kani ka sngi toh u M Rymbai MDC heiwa da kular u iarap ia ka college.
Ha kani ka Sngi sdang da em leh i rwai ia i sur Anthem iong ka College kamjooh leh ki rwai ki chad na ki khynnah ka college. Ha kani ka sngi da pynman leh ya ka concert ha pchem iong ka College Auditorium heiwa da em hadooh 5 tylli ki kynhun tem kiwa wan pynchongchit ia kani ka sngi sdang, ar tylli na kini ki kynhun toh kiwa naka college.
Kani ka College Week wa Fresher’s meet iong kani ka college u pynkut ia ka ha kani ka 5 tarik uni u Nai khynde kam chi bynta leh u pynemwarom ia ka Teacher’s Day.
Discussion about this post