Ka College of Teacher Education (PGT), Shillong ynne da sdang ko ya ka lehkmen Diamond Jubilee ha ka yalang wa pynman ha Auditorium ka College heiwa u Montri ka chnat puræ puthi u Rakkam A Sangma da man u kam u kongsan.
U Rakkam Sangma da yaroh u ya kani ka thaw kawa pynmih da ki hajar ngut kiwa sikai kiwa em ha ka jylla wow pynku ya i puræ puthi deiwa man kiwa pliah ha ki kaam yong ki.
Da ong u wa katwa yah ka stat ka juk wa katni namo ka Technology, ki paidbah da kyrchaan ki ha ka wei da kyntu u ya kiwa lai puræ wow pynemkaam hok ya ka Technology.
Da ong u leh wa ka imlang sahlang angnood ko wow yoo ya ka pateiñ wow wan kawa da seiñ dur da kiwa sikai deiwa kyntu ya kiwa lai puræ wow em i kitkhlieh wa i mynsien kreh chitom khnang wow myntoi ka imlang sahlang.
Ha kani ka sngi da pynlait leh ya ka College Diamond Jubilee Logo & Theme.
Kiwi kiwa em ha kani ka sngi toh u HM Shangpliang, uwa e buit ka chnat puræ puthi, u WL Lyngdoh, President ka College Governing Body, Dr. MA Jyrwa, Principal ka College of Teacher Education (PGT) wa kiwi kiwi.
Discussion about this post