Ka Thadlaboh Presbyterian Higher Secondary School Jowai kawa man ka skur wa da seiñ da ka Balang Presbyterian Thadlaboh da sdang ko yei lehkmen Silver Jubilee yong ka ynne ka sngi deiwa phooh wa phieñ.
Ha kani ka sngi, u Wailadmiki Shylla, MLA ka Jowai Constituency da wan u kam u kongsan wei ka A.P. Syiem, District School Education Officer da man ko kam ka symbood kongsan wei ya kani ka yalang da pynlai da u Rev. S.D. Mynso uwa man u Pastor ka Balang.
Ha kani ka sngi da khana leh yei parom wa tbian yong ka skur da ka L. Khonglah kawa man ka Principal yong ka skur. Kamjooh leh da yoh u pynkup warom ya arngut kiwa kreh kitæ ka Erica Talang wa ka Pyntngen Lato kiwa da dap 25 snem i chakri yong ki ya ka skur.
Neiliang u Wailadmiki Shylla kam u kongsan hawa e yei klam, da yaroh u ya ka Balang kawa da kreh chitom ko wow pynpoi ya kani ka skur cha kani ka kyrdan. Da kyntu u leh ya kiwa sikai wei kamjooh deilang ya ki bei ki pa wow em ki yei ya krehlang kawa yajan wow e yei stat i tip neibynta ki khynnah skur.
Ha kani ka sngi da yoh leh u pynhær ya ki Balloon kam ka dak wa da sdang ya kani ka lehkmen da u kongsan wei kamjooh leh da yoh u ah yow Cake Silver Jubilee da u Tbn F. War.
Discussion about this post