Tura: U montri rangbah ka jylla, u Conrad K Sangma ynne ka sngi da sakhi u yei lehkmen Silver Jubilee ka Aeroville Higher Secondary School ha District Auditorium, Tura hei emlang u North Tura MLA Thomas A Sangma, Co-Chairman, Meghalaya State Planning Board, u Billykid A Sangma, District School Education Officer, Tura, u B G Momin, Member Secretary, Aeroville School Managing Committee, Viola Sonatchi B Sangma, Headmistress, Aeroville Secondary School, Tura; Sane B Sangma, wa kiwi kiwi.
U Conrad hawa e i klam da ekhublei u ya ka skur wa da ye ki wow poi hadooh uni u moo-mær kiwa da yarap wow e i chakri ya kiwa boon ha ka thaaiñ.
Da ong u leh wa waroh toh u em ki ka thong hei im yong ki man ka sngi wow wanrah yei kylla hapoh ka imlang sahlang.
“I puræ puthi toh u kheiñkor bha iki wei ka sorkar chem ko chiboon i eh i khoo tangwa hanla kattæ leh yaleh ko wow pynjanai ya kani ka kaam hapoh jylla waroh kawi,” da ong u.
Kam u symbood kongsan, u Thomas A Sangma da yaroh u yei chakri wa ka skur da e ko cha ka imlang sahlang deiwa i yei stat i tip cha ki khynnah deiwa kyntu ya ki wow pteiñ yei kaam yong ki.
Kiwi kiwa da e i klam ha kani ka sngi toh ka Headmistress ka skur, ka SB Sangma kawa da pyntip wa heipor wa sdang em du 94 ngut ki khynah wa 10 ngut kiwa kreh ha u snem 1993 wei da pynmih ko 19 ngut ki topper ha ka Meghalaya Board Examinations.
Ha kani ka sngi da saam leh ya ki Memento chwa kiwa sikai wa kiwa kreh, wei da pynlait leh ya ka Souvenir wa ka Souvenir Magazine ka skur.
Discussion about this post