U montri khynnah ka sorkar pyrdi wa pait ya ka chnat yalehke Sports, u Kiren Rijiju chirrup wa u montri rangbah ka jylla Assam u Sarbananda Sonowal ynne ka sngi da wai ki ya ka lympung yalehke 3rd Khelo India Youth Games ha Indira Gandhi Stadium Guwahati.
Ya ka charak wow sdang kani ka lympung da chbeh da ka Hima Das kawa man kawi na ki khloor ka ri ha i phet pyllah.
U Sonowal da pdiang u ya kiwa yalehke cha kani ka lympung kawa 13 sngi ka wow man ha kani ka sorbah wow pynyoo ki ya ka sap yong ki khnang wow ye ki u wanrah naam ya ka ri ha ki por wow wan.
Ha kani ka lympung da wan chimbynta hadooh kamwa 6,800 ngut na ki 37 tylli ki jylla ka ri.
U Rijiju da kular u wow kyrchaan ya ka sorkar wow pynman ya ka Assam ka nongbah yong ki yalehke Sports hapoh ka ri.
Da pynphooh ya kani ka sngi sdang da ki rwai wa ki chaad tynre ka Assam kiwa ha rukom.
Ha kani ka lympung daw pynyaleh hadooh 22 jait ki yalehke kiwa da tipmit ha ka pyrthai waroh kawi nadooh siat khnam, yaslait, yakura, wa kiwi kiwi.
Discussion about this post