Ka West Jaiñtia Boxing Association (WJBA) ynne ka sngi da pynman ko ya ka lympung yakura wa ar sngi kawa tip kam ka 5th All Jaiñtia Open Boxing Championship ha Madan Daimasi, Ladthadlaboh, Jowai.
Ha kani ka sngi wai da emlang u Superintendent of Police ka West Jaiñtia Hills, u BD Marak kam u kongsan hei emlang u OC ka Jowai Police Station u S. Mannar, u Waheh Chnong ka Ladthadlaboh u A. Shullai wa kiwi kiwi.
Ya ka yalang da pynlai da u R. Laloo uwa man uwa e buit ka WJBA uwa da khana leh ya ka luti wa da lai ko ha ki snem wa dadep.
U BD Marak hawa klam da yaroh u ya ka seiñ kawa da hikai ya ki khynnah hadooh wa yoh ki ya ki takma wa har rukom ha ki lympung yakura.
Heijooh i por da kyntu u ya ka seiñ wow kreh chitom sam chaphrang khnang wow ye chooh ki khynnah u myntoi na kam kani ka jait yalehke.
Ha kani ka lympung da wan chimbynta ki khynnah na West wa East Jaiñtia Hills wei da yabhah ya ka yalehke ha ka kyrdan:
Sub-Junior 30-32 Kg
Junior 35-37 Kg
Junior 40-42 Kg
Junior 45-47 Kg
Flyweight 48-51 Kg
Walter Weight 66+ Kg
Youth Light Fly Weight 46-48 Kg
Fly Weight 49-52 Kg
Phantom 52-56 Kg
Light 56-50 Kg
Light Walter 60-64 Kg
Ya ki yakhun Final won daw pynman mynstep ka 25 tarik nadooh 11:00 waje i step.
