Sdang ka lympung yalehbol ha Pdengshakap yow kyrchaan ya ka skur

Ka Dorbar Chnong Pdengshakap da yoh ko wow wai pyrda ya ka ”11th Secondary School Invitation Football Knock-out Tournament” deiwa wan u M. Pohsnem, SDO PWD Amlarem Sub-Division kam u kongsan deiwa ya emlang leh ki waheh wasian, ki bru bna naam yong ka thaaiñ ha ka 21 tarik uni u bnai.

Chwa wow sdang da em ka yalang wa tbian heiwa da yoh i klam pdiang burom na u Chairman ka Tournament Committee, u Savio Buam. Da yoh leh i klam neiliang u Secretary chnong, u Shailang Pakyntein uwa da ong wa i thmu wow pynman ya kani ka lympung toh wow kyrchaan ya ka Secondary School kawa em hapoh chnong.

U kongsan hawa e i klam da yaroh u ya ka chnong kawa da ye u pynman ya kani ka Tournament man-u-snem neibynta u kyrchaan poisa ya ka skur.

Ha ka yalehke wa nyngkong kani ka Tournament, da pynman hapyrdi ka KSF FT pyrchah ya ka Nongrim Hills SSCC heiwa ka yaleh da man ko kawa yoosuk bha wei da jop ka KSF da 2-1.

Ya ka KSF da yoh u thap kool chwa da u Donbok Lyngdoh haka minit kawa 44 wa u Phrang Pakem haka minit wa 68 katwa yaka Nongrim Hills won da yoh u thap da u Gadiel Puia haka minit kawa 78.

Ha kani ka sngi da yoh leh u pynlait yaki Ticket Lucky Draw yong ka Pdengshakap Secondary School kam chibynta wow pynmih poisa neibynta ka skur kawa daw pynkhle haka 05-04-25.

Ki Prize kani ka Lucky Draw man ki kamni

1st Prize-Alto K10