Ka Sports and Games Committee yong ka Dorbar Chnong Dulong, Jowai da pynman ko ya ka lympung yalehbol kawa tip kam ka 5th 7-A-Side Football Tournament.
Ya kani ka lympung da sdang ya ka ynne ka 23 tarik heiwa da em ka yalang wa da pynlai da u Chairman ka Sports and Games Committee u Shamly Kyndiah.
Ha kani ka sngi da yoh i klam wa tbian na u Snarmon Lato uwa man u dkhot ka Committee kamjooh leh da yoh i klam wa i pynbna wa da wai ya ka lympung da u kongsan, u Sienwanmiki Bareh, Waheh Chnong ka Dulong hei emlang ki dkhot wa kyrpang namo ki Executive Member wa kiwa chah khut sñiawbha.
Ka yalehke wa nyngkong da man hapyrdi ka Salaroh FC wa ka Oxford United heiwa ka Oxford United da jop ko da 7-0.
