Ka Naval Exercise namo ka Maritime Exercise kawa 23 hapyrdi ki le ri wa kynthup ya ka India, Japan wa USA kawa tip kam ka Malabar 2019 da sdang ko ynnin ha duriaw ka ri Japan. Kani ka Exercise daw man ko 9 sngi lynter.
Neiliang yong ka India da phah ko ya ar tylli ki jhaad yapam wa tip leh kam ki Multi-Purpose Guided-Missile Frigate ka Sahyadri wa ka ASW Corvette Kiltan cha Sasebo, wow chimbynta ha kani ka Exercise.
Chirup wa kini ki jaad ka India da phah ko leh ya ka lieñsuiñ ‘P8I’ Long Range Maritime Patrol Aircraft wow chimbynta ha kani ka Exercise.
Neiliang ka chnat Ministry of Defence da ong ko wa i phah ya kini ki jhaad wa ka lieñsuiñ wow chimbynta ha kani ka Exercise toh daw pynkhlan ko yei yaman lok kini ki le ri wei wow wanrah yei chongsuk ha ka thaaiñ.
Ka US Navy da phah ko ya ka jhaad USS McCampbell, ka Los Angeles-Class Attack Submarine, wa ka ‘P8A’ Long Range Maritime Patrol Aircraft.
Neiliang ka Japan Maritime Self-Defence Force u chimbynta da ka Izumo Class Helicopter Destroyer JS Kaga, ka Guided-Missile Destroyer JS Samidare wa Choukai kamjooh wa kawi ka lieñsuiñ ‘P1’ Long Range Maritime Patrol Aircraft.
Ha kani ka Exercise daw pynwandur ya ka thma, i yaleh pyrchah ya ki lieñsuiñ yapam na duriaw, i pyndur wow pynlait ya kiwa chah pynman broo ki bru ha jhaad, wa kiwi kiwi.
Chooh chooh ha kani ka Exercise daw pynman ya i uiñke ya ki jhaad da ki chipai mar kylliang, i yalehke Sports, ki kaam pynwyrngia wa kiwi kiwi.
Discussion about this post