Ka Meghalaya Cricket Association’s U-15 Inter District Tournament da sdang ya ka ynne ka sngi da ki soo tylli ki yalehke kiwa da pynman ha ki ar tylli ki thaw.
Da em artylli ki bynta namo ki Zone ha kani ka T20 Cricket Tournament- ha Nongkhrah, Nongpoh, Ri-Bhoi wa ha Mendipathar, North Garo Hills.
Ha Zone 1 da em ka Shillong Cricket Association, East Khasi Hills Cricket Association, East Jaintia Cricket Association, All Jaintia Cricket Association wa ka Ri-Bhoi Cricket Association.
Ha Zone 2 da em ka Tura District Cricket Association, North Garo Hills Cricket Association, East Garo Hills Cricket Association wa West Khasi Hills Cricket Association.
Ha ka Zone 1, ka East Khasi Hill da jop ko ya ka kylla khlem wei da jied ko wow Bat nyngkong kawa da ye u kama 62, heiwa u Vinit Patel da yoh u 4/6 ya ka East Jaintia kawa da kdong ya ka thong deiwa dooh chi Wicket deiwa sah 5.1 Over. Ha ka yalehke wa ar da phah Bat nyngkong ya ka Shillong da ka All Jaintia kawa da yoh ki 175/6 na 20 Over, heiwa da yoh boon u Krishnav Choudhary 45 Run. Hawa jubab, ka AJCA da yoh ko 100/8, deiwa lehbha u Maremdor Sutnga 39 Run. U Angkit Tamang da yoh u 3/19 ya ka SCA.
Ha ka Zone 2, ka North Garo Hills da jop ko ya ka kylla khlem wei da jied ko wow kawang bol nyngkong. Ka East Garo Hills da booh thong ko 122 yow jop heiwa ka NGH da jubab ko da 106. U Man-of-the-match u Paisal Ali, da yoh u wow pynhaap 3 Wicket. Ha ka yalehke wa ar, ka Tura da Bat nyngkong ko hadien wa jop ya ka kylla khlem heiwa da kamai ki 153 wei da pynhaap lut ki ya ka West Khasi Hills kawa yoh 31 Run. U Harsid Prasad uwa yoh Man-of-the-match da kamai u 57 Run deilang wa 3 Wicket.
