Ka Mihmyntdu Community Social Welfare Association (MCSWA) deiwa krehlang waka Directorate of Social Welfare ka sorkar Meghalaya, ha ka 10 tarik da sdang ya ka e sikai yow yoh kreh namo yow ye u seiñ khih hi kawa tip kam ka Skill Training yow pynkupbor ya kitu kiwa em hei maa wow yoh ya u HIV wa kiwi ki kjut Sexually Transmitted Infection (STI) heiwa ya kani ka yalang wow wai da pynman ha yung krehkaam ka MCSWA wa em ha Salaroh, Jowai.
I thong wow leh yeini toh wow pynduna yei poor u khñiang HIV wa ki STI khamtam ki kynthai wa kreh ha ki kaam wa em hei maa wow yoh ya ini i kjut deiwa e yarap ya ki wow mih noh i ini i jait kreh deiwa sdang kreh da kiwi ki jait.
Neiliang ka R M Kharsyntiew, Chief Judicial Magistrate, WJH District hawa e yei klam da pynchlur ko ya kiwa yoh myntoi yow chim kabu yeini i e sikai da ka MCSWA, da ong ko leh wa deiwa pynkupbor ya kini ki bru wa em heini i kreh daw ye ki wow wan noh cha ka luti wa biang yow yieñ hei kjat yong ki hi wei wow man kiwa laitlooid.
Ha kani ka e sikai da em 25 ngut kiwa daw chah sikai hei ri sñiang, 30 ngut kiwa daw yoh sikai wow man kam ki Beauty Therapist, 15 ngut kiwa daw yoh sikai kammon wow pynmih marbaam wa 15 won kam kiwa chet baam.
Kiwi de wa da e yei klam toh u Dr. I. Kjam District Veterinary Officer, u Lambor Suchen SDO MSSDS, u R. Shadap DMM, MSRLS, ka Dr. JN Shullai, Director MCSWA wei ya ka yalang da pynlai da ka Sunita Suna, PM MCSWA wei ya ki ktien e khublei da e da u AJ Nongkynrih, Chief Functionary MCSWA.
