Ka sorkar Meghalaya ynne da sdang ko ya kawa nyngkong dooh hapoh ka thaaiñ North East kawa tip kam ka Drone Delivery Hub & Network, deiwa ya krehlang waka TechEagle, yow kit yei dawai dachin, i snaam wa kiwi wa emkaam hei sumaar sukhær deiwa pynemkaam da ki Drone wa tip kam ki Vertiplane X3.
Ya ini da sdang ha Jengjal Sub-Divisional Hospital, West Garo Hills wei da wan wow wai da u James P.K.Sangma, u Montri ka chnat i Chait I Khiah wei ha kani ka sngi da kit leh yei dawai cha ka Padeldoba PHC deiwa chimpor du 30 minit heithaw 2.5 kynta hawa lai dei sarok.
U Montri hawa e yei klam da ong u wa da sakhi yei wym jooh em kamni ha kiwi ki thaw wot ha waroh kawi ka pyrthai wei da man ko i sarong yaka jylla Meghalaya wei daw pynkrehkaam yeini i jooh cha kiwi ki chnong ka jylla kamjooh.
Neiliang u Ramkumar S, Project Director, Meghalaya Health Systems Strengthening Project da ong u wa da ini daw yarap ko wow pynpoi yei dawai wow pynim ya ki bru kiwa em cha ki thaw wa em cha kdong cha jnai wa chitom u poi hadooh ki dawai ya kiwa chah pooh pseiñ, kiwa emkaam snaam wa kiwi de.
Chooh chooh da ong wa ini daw pynduna ko yei lutsan wow pynpoi ya ki dawai dachin cha ki thaw wym lait luti.
