Ka 14th Money Cash Prize Knockout Tournament wa pynman da ka Sutnga Dong Pohshnong Sports & Games da wai pyrda ya ka ynne ka sngi deiwa pynman chwa ya ka yalang heiwa da yoh yei klam na u Chairman, u Huni Bareh uwa man leh u Waheh Dong ka Sutnga Dong Pohshnong, uwa da pdiang sñiawbha ya waroh kiwa da ya wan wei khamtam ya u kongsan, u Happy E Rymbai wa u symbood kongsan u Moin Bareh.
Da yoh leh i klam na u Shaniahlang Dkhar uwa man kam u Finance Secretary ka KSU East Jaiñtia Hills wa ki kyntien snieñ na u symbood kongsan wei kamjooh na u kongsan.
Ya ki kyntien e khublei da yoh na u Haoo Pala uwa man u Secretary Dong.
Ha ka yalehke wa da pynman ynne hapyrdi ka Iatyllilang FC waka Rymbai Pompyrthat, ka yalehke da man ko kawa yoosuk heiwa ka Iatyllilang da yoh ko wow thap kool nongkong mar ya sdang ka yalehke haka minit wa 7 kawa da neh hadooh wa kut ka yalehke yow pynjop ya ka Iatyllilang da 1-0.
Ka yalehke wa bood u pyman ha kani ka 28 tarik hapyrdi ka Mission SC waka Khliehriat West heipor 12:00 waje pyrdi sngi wei daw pynbood sa ka Wailong SC waka Tluh SC.
Discussion about this post