Ka Ministry of Tourism (MoT), Government of India, wow yarap ya ki bru wa wan uiñke na baar ri (Foreign Tourists) kiwa sahkut ha India, da pynmih ko ya ka Website wow e yutip neibynta i e yarap wa ye ki u yoh katwa dang sahkut ki ha India.
Kani ka Website kawa da e pyrtuid ‘Stranded in India’ u yarap ko ya ki baar ri ha kiwa boon ki liang katwa dang neh ki hapoh ka ri.
Ka pyrthai waroh kawi da chah ktah ko ha ka khlam u COVID-19 wei emkaam wa ki bru na baar ri leh u yoh yarap ki, da ong ka chnat Ministry of Tourism.
Katkam wa ong ka Ministry of Tourism dang thooh laad ko katwa ye wow yarap ya kam kini ki bru.
Ka Website u em ko hapoh ka Website ka Tourism Ministry wa kiwi kiwi.
Ye leh u yoh yutip wa bniah na ka website www.strandedinindia.com namo deiwa lai ha ka website www.incredibleindia.org
Discussion about this post