Ka ‘North East Festival’ kawa da sdang ynnin ka sngi ha ki jylla ka thaaiñ mihsngi, da mih wow chimbynta chongchit da kiwa boon. Ka Ministry of DoNER, kam chibynta wow lehkmen yei dap 75 snem ka ri da pynman ko ya kani ka ‘North East Festival’ kam chibynta ka Azadi Ka Amrit Mahotsav (AKAM).
Ha Manipur, u Montri ka jylla, u N. Biren Singh da wan u yow wai ya ka lympung North East Regional Sports Meet ha Khuman Lampak, Imphal. Kani ka Sports Meet toh neibynta kiwa dang sdang mih chakhmat ha ki yalehke Sports ka jylla yow ye ki wow pynyoo sap pynyoo buit pyrchah uwi ya uwi. Ki yakob wa boon jait da pynman ha kiwa boon ki thaw ka Manipur kam ki yalehke Table Tennis ka yaleh bol wa kiwi kiwi.
Kani ka ‘North East Festival’ da sdang ya ka leh ha Guwahati, Assam ynnin hi ka sngi. Kam chibynta ka ‘Jan Bhagidari’, deiwa pynman ya ka Half Marathon, Walkathon wa Cyclathon hapoh ka phang ‘Healthy Sports for a Healthy Mind’.
Ha jylla Mizoram leh da pynman ya ki Mini-Marathon wa ki Cycling Rally ha kylleiñ ka Siaha District wa Lunglei District deiwa chimbynta ki chipai ka Assam Rifles ha Lunglei District deilang wa ki bru paidbah.
Ha Nagaland da pynman ya ka lehkmen ha Shilloi Hotel Japfu, Kohima hajrong ka phang Journey of Nagaland since Statehood’ heiwa da em ki rwai Choir, i pynyoo ya ki dur chaphang ka Nagaland da ka chnat IPR ka jylla.
Ha Sikkim da pynman ya ki yakob Debate hajrong ka synchaar chnong wa ki kaam pynroi ha Soreng District. Da pynman leh ya ka yakob Painting, thoh Essay ha ka Gyalsing District. Da pynman leh ya ka District Quiz Competition ha Mangan District kamjooh.
