Jowai: Ka NPP West Jaiñtia Hills da sdang ko ya ka MDC Election Campaign 2019 na ka Constituency yong ka 18 Jowai Central haka 07-01-2018 ha yung yong u Teiborlang Hing u kyrtong ka NPP na 18 Jowai Central hei emlang u MLA ka 2-Jowai Wailadmiki Shylla, u Phasmon Dkhar MDC ka 22-Musniang Rngad, u Kerbhame Dkhar kyrtong ka NPP na 21- Tuber, u District President u Octomewot Lamin, District General Secretary u Donboklang Kharjana, u Fazol Nongbri Youth Vice President In-charge Jaitia Hills, Women’s Wing President ka Badia Gatphoh, Secretary Yoowanka Phawa, U Philemon Lyngdoh Ex. MDC, NPP Jowai Block President, Darilang Lamare, Secretary ka Block u Ohiwot Lamar, Jowai Block Women’s Wing President, Secretary wa ki dkhot yong ka party NPP West Jaiñtia Hills.
Ha kani ka yalang neiliang u MLA ka 2 – Jowai da kyntu u ya ki dkhot ka NPP wow kreh chitom met wa mynsien neibynta ki kyrtong ka NPP wei daw lai u leh cha kiwi ki Constituency kam chibynta ka Election Campaign yow e mynsien wei wow kit bok kit rwiang ya ka Party NPP yow yoh ki kyrtong wa boon u jop wei da kyntu u leh ya ki paidbah ka 18-Jowai Central wow kyrchaan pura ya u Teiborlang Hing yow yoh u yei jop.
U Teiborlang Hing hei klam yong oo da e khublei u ya ka Election Committee yong ka NPP West Jaiñtia Hills neibynta i e Ticket ya oo naka Party NPP. Da pynsniaw u leh yei kmen wow yakhun Election naka Ticket NPP wei da kyntu u ya ki dkhot ka NPP wa kiwi ki paralok kiwa da emlang wa oo nadooh ki por wa da rai u wow yaleh Election MDC 2019 wow krehlang yow yoh yei jop.
Da paan u leh yei kyrchaan wa pura na kiwa chong chnong ka 18- Jowai Central yow pynjop ya oo ha ka kani ka Election MDC 2019.
Discussion about this post