Sdang ka Past Pupils Sports Meet yong ka KNGC

Jowai: Kam chibynta wow pteiñ ya ka lehkmen dap 50 snem ka Kiang Nangbah Government College, ka Golden Jubilee Committee da pynman ko da ka Kiang Nangbah Government College Past Pupils Sports Meet namo ka yalehke sports kiwa puræ wa rim kani ka thaw puræ ynne ka sngi ha madan kani ka College.

Kani ka Sports Meet da man ko kawa chongchit ha pyrdi i kmen i rakhai han lada duna kiwa wan chimbynta. Da pynman ya ka Walkathon, Shot put, Dicuss Throw, 100 Meter Race wa ka Football Penalty Shootout.

Da sdang ya ka da ka yakop Walkathon namo ka yakop kaap kjat smat heiwa u Bashanbor Dkhar da yoh nyngkong u pynbood won sa u Daowan Nartiang wei da yoh wa le u Diligent Starly Lypon. Neiliang ki kynthai da jop ka Yeema Pakma, da yoh wa ar ka Bymina Shylla wei da yoh wa le ka Ribhalang Passah.

Ha ka phet 100 Meter da jop u Damehi Kyndiah, wa ar u Diligent Starly Lypon katwa yei wa le da yoh u Heibormi Shullai. Ha ki kynthai won da jop ka Ribhalang Passah, da yoh wa ar ka Yeema Pakma katwa yei wa le won da jop ka Bymina Shylla.

Ha ka Discuss Throw won da jop u Damehi Kyndiah, wa ar da jop u Rimiki Nonghuloo, wa le u Walter B Pariat. Neiliang ki kynthai won da jop ka Ribhalang Passah, wa ar ka Bymina Shylla wa le ka Yeema Pakma.

Ha ka Shot Put da jop u Damehi Kyndiah da yoh wa ar u Daowan Nartiang katwa da yoh wa le u Soowat Laloo. Neiliang ki kynthai da jop ka Ribhalang Passah wa ar da yoh ka Yeema Pakma wei da yoh wa le ka Bymina Shylla.

Ha ka Football Penalty Shootout da jop ka dhab u Damehi Kyndiah kawa pynrem ya ka dhab u Teddy Laloo.

Ha wa kut ka Sports Meet, u Principal ka College da pynkynmoo wa ym hoi u mylliñ i ya i lehkmen khamtam ha kini ki sngi waroh ki bru toh kiwa boonkaam.

Daw pteiñ won ya kani ka Sports Meet da ki yalehke Badminton wa ka Table Tennis nadooh ka 8 tarik.