Ka Priang Youth Welfare Sport Club deiwa pyrkhat wow ku ki khynroo ha ki kaam yalehke Football da sdang ko ya ka lympung (Tournament) wow yohlaad ki khynroo wow pynyoo ya i sap yalehke yong ki.
Ya kani ka lympung da sdang nadooh ka 8 tarik uni u bnai heiwa ya kani ka sngi sdang da wan wai da u Fourstar Rymbui uwa man kam u kongsan ha kani ka sngi.
Hei klam kam u kongsan da kyntu u ya ki khynroo wow em ki i mynsien yaleh yow man ki kitæ ki khloor wow pynku ya ka thaaiñ.
Neiliang u Newyearborn Sumer uwa man kam u Secretary kani ka Club da ong u wa hanla heibor wa khian leh, da pynyoo ko yeitæ i kreh chitom iwa e mynsien ya ki khynroo katwa kamtæ da kyrpaad u ya ka sorkar wow e ko kam ki Scheme khnang wa ka Club u yoh ko da ka madan wa paka wow yalehke.
