Shillong: Ka Rapido Bike Taxi da pynlait ko ya ki thuk thuk kamai ha nongbah Shillong yow pynsuk ya kiwa lai wa wan khamtam wow yarap lait na i joor i sahkut kari deiwa thmu wow pynpoi ya kiwa lai luti cha i thaw wa thmu ki heipor wa biang.
Ka Rapido Bike Taxi toh kawa da sdang na Bengaluru wei da ye ko wow pynpoor ya i chakri wa kamai da ki thuk thuk ha ki 40 tylli ki sor kiwa em ha ka ri India wei ka Shillong da man ko ka sor kawa ar na ki sor ha ka thaaiñ mihsngi wow yoh ya kani ka kamai da ki thuk thuk hadien ka sor Guwahati.
U Suman Acharjee uwa man u City Head ka Rapido ha Shillong da ong u wa i thmu wow wanrah ya kani ka rukom kamai da ki thuk thuk toh yow pynsuk wei pynstiñ ya kiwa lai wa wan yow lait na i sahkut kari.
U Suman da pyntip u wa ha Shillong da em palat 150 ngut ki Rapido Captain kiwa da thap pyrtuid pyn da ki ya ki hi wow chim ya kani ka kaam kam ka laad kamai wei napyrdi kini, 4 ngut toh ki kynthai.
Chooh chooh da pyntip u leh wa ka bai kari u man ko T.29 neibynta 4 Km wei neibynta wow yang u man ko T.1 ha ka chi minit.
Da pyntip u leh wa ki bru kiwa kwah wow yoh ya kani ka chakri lyngba ki thuk thuk, ye ki wow Download ya ka Rapido Mobile App lyngba ka Play Store yow pynemkaam ya kini thuk thuk kamai.
Discussion about this post