Sdang ka rel wa nyngkong kawa wan kit ya u mooyong wa tih na Meghalaya

U MLA ka Mendipathar, u Marthon J. Sangma da ah Ribbon wei kaweh lama u ya ka rel wa nyngkong dooh ha Meghalaya kawa da kit ya u mooyong wa da tih katkam ka aiñ napoh ka jylla wei da kit ya uni u mooyong uwa da wan pynhaap ha Mendipathar Railway Station wa em ha North Garo Hills hei miet ka 28 tarik uni u bnai.

Uni u mooyong toh uwa tih na ka thaw tih mooyong wa em ha Shallang, West Khasi Hills wei da pyndap oo ha ka rel wa em 42 tylli ki daba (Rakes) wa khia 2,500 MT yow lai cha New Delhi.

Neiliang u Marthon da pynsñiaw u yei kmen deiwa ong wa kani daw wai laad ko wow pynyoh khih ya ki paidbah wei daw pynyoh nong ko leh ya ka sorkar kamjooh ka chnat Railways.

Da ong u leh wa i kit ya u mooyong da ki Truck leh man ko katkam ki kyndon deiwa booh yukheiñ thij-pa-thij deiwa biang ki Challan.

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

January 18, 2026