Ka Seiñraij Higher Secondary School, Jowai kamwa jooh leh khlieh u snem, ha kani ka kynti leh da pynman ko ya ka School Week wa da sdang ynne ka sngi heiwa ka M. Lakiang, District Mission Coordinator da man ko kam ka kongsan ha ka yalang sdang ya kani ka lehkmen.
Ya ka yalang ynne da pynlai da u H. Toi uwa man u Secretary ka SMC ka skur wei da yoh i Ngooh Blai na u M. Rymbai, u Headmaster ka Upper Primary School.
Ka M. Lakiang hawa e yei klam da batai ko hei wow pynkrehkaam ya ka aiñ ka sorkar pyrdi, katæ ka National Education Policy 2020 ha u snem 2025, heiwa ki skur u e sikai ki katkam ka sap wa em ki khynnah wa da e kyrpang u Blai.
Da batai ko leh hajrong ki le tylli ki S iwa mut S-Sweat, S-Skill wa S-Soul iwa mut hei rta kam ki khynnah skur hap pynemkaam ki ya kini ki le tylli ki S khnang wow poi ki ha ka thong i jop.
Da kyrsu kyntu ko leh ya ki khynnah skur wa kani ka Policy thymme man ko kawa yoh myntoi bha ki khynnah skur, heiwa da bynta ya waroh ki khynnah jar jiar i rukom wei toh u tip u jied ya i sap wa em ki nadooh dang khian.
Ha kani ka sngi da yoh leh i klam na ka E. Shylla kawa man ka Head Teacher ka Lower Primary School, na ka D. Bareh kawa man ka Principal ka Higher Secondary School wa na u C. Niangti uwa man u Secretary ka Organising Secretary.
Ha kani ka tayaaw daw pynman ya ki yakob wa har rukom nadooh ki yakob phet pyllah, ki yakob dro dur, ka Spelling Bee wa kiwi kiwi.
