Ka Senior Football League ka Thadlaskein Sports Association (TSA) da wai pyrda ya ka ynnin ka 9 tarik ha madan yalehbol ka Khliehtyrchi da u Jesse Suiam, MDC ka Ummulong Moodymmai Constituency kam u kongsan deiwa emlang u Waheh Chnong ka Khliehtyrchi, u K. Rymbai, u Madonbai Rymbai, MDC warim, u Kmen Shylla na Wahiajer wa kiwi kiwi ki waheh ka thaaiñ.
Ya ka yalang wa tbian da pynlai da u K. Rymbai, President TSA wei da yoh yei klam na u SS Langi, General Secretary TSA, na u Madonbai Rymbai wa na u Jesse Suiam wei ya ka Pledge kiwa yalehke da yahkhmat da u Halel Susngi, Captain ka Thadlaskein Veteran.
Ha kani ka lympung da em 36 tylli ki liang kiwa da wan wow ya chimbynta wei da sdang da ka yalehke hapyrdi ka Ummulong SSCC pyrchah ya ka Mukhla Mission heiwa ka yalehke da kut ko da 1-1. Ya ka Mukhla da thap kool da u Hauniwanpaia Bang ha ka minit wa 58 katwa ya ka Ummulong da thap da u Johny First Sari ha ka minite wa 29.
Ka yalehke wa bood toh hapyrdi ka Thadlaskein Veteran pyrchah ya ka Moolaniang Mookyndur heiwa ka Thadlaskein da jop ko da 1-0 da ka kool wa thap da u Den Pyrtuh ha ka minit wa 36.
Discussion about this post