Ka GREEN namo ka Grassroot Level Response Towards Ecosystem Enhancement and Nurturing wa man katkam ka yurim ka Payment For Ecosystem (PES) toh kawa da sdang yow kyrchaan ko ya ki chnong, ki kur wa ki bru samen toh kawa sdang ya ka ya kitu kiwa kwah u yada ya ki khloo ki kjam neibynta 30 snem.
Hawa sdang won ya ka GREEN Meghalaya+ ynne ka sngi, u Montri Rangbah, u Conrad K Sangma da ong u wa daw myntoi ka imlang sahlang na ka wei ka PES toh u bood ya ka ha ka ri wa ka pyrthai waroh kawi. Da ong u wa emkaam wow yada ya ki khloo wa ka mariang chwa wow wiar ki ymtoh hadien wa wiar ki wei ini toh ka thong yong ka Green Meghalaya kamtæ da emkaam wow booddien deiwa sdang ya ka ‘Green Meghalaya Plus’ ka wow em jar jiar ki bynta.
Kawi na ki kyndon wa emkaam ka PES 2.0 toh wow pynboon ya kiwa chimbynta neibhah nachwa kani ka Scheme emkaam ko 2 Hectare i khloo katwa kawa thymme won chi Hectare heiwa ki tre thaw wa ki chnong wa ka imlang sahlang leh u ye ki wow embynta lang.
Da ong u leh wa ymtoh du neibynta wow yada ya ka mariang tangwa ka Finance Commission leh kwah ko yeini neibhah ka dan wan na iwa yoh ka sorkar India toh yow pynneh pynsah ya ka bei rymaw wei ini toh iwa daw pynmyntoi ya waroh.
Heijooh i por da ong u wa hanla da pynku ya ka song poisa neibynta wow yada wei wow pynneh ya ki khloo tangwa lyngba ka mariang leh daw yarap bha ko ya ki paidbah ha i yoh i laa heiwa waroh u man ki kiwa jop.
Ha kani ka sngi u Conrad da yaklam u leh wa kiwa myntoi na ka GREEN Meghalaya+, CM ELEVATE wa FOCUS.
Da saam leh ya ki Cheque wa ki Sanction Letter cha kiwa yoh myntoi na ka FOCUS, CM-Elevate wa GREEN Meghalaya+.
Kam wow kdaw heini ka CM-ELEVATE Phase 1 wa 2 da myntoi ki 2,281 ngut deiwa pynlait Rs. 60 klur katwa ka FOCUS won da kyrchaan ko ya ki 3,777 ngut ha i lut wa Rs 17.59 klur.
Discussion about this post