Ka St. Joseph’s Secondary School Nongtalang, ha ka 5 tarik uni u bnai da yoh ko wow wai pyrda ya ka “3rd St. Joseph’s Football Tournament 2022” ha madan Shingtoi ha Nongtalang. I thmu yong katai ka Tournament man ko chibynta wow pynmih poisa ya ka skur khnang wow nang ye u pyndap pynbiang yeiwa emkaam yong ka skur.
Ya katai ka Tournament da wan wow wai pyrda da u MLA warim ka thaaiñ, u Stephanson Mukhim kam u kongsan wa u MDC ka War Central, u Holando Lamin kam u symbood kongsan deiwa ya emlang u Headmaster ka skur, u Anthony Pohrmen, kiwa sikai ka skur, ki khynnah skur deilang wa kiwi kiwi ki bru wa paawkhmat wa kiwa kitkaam ka skur.
U Stephanson Mukhim hawa e yei klam da ong u wa deiwa chimbynta lang wa deiwa kyrchaan lang ya kani ka Tournament daw man ko i kyrkhu wa khroo ya ka skur khnang wa i thmu yong ka skur u man iwa mih soh.
Da ong u leh wa lyngba katai ka Tournament, ki khynroo wa yalehke daw yoh laad ki wow pynyoo yei sap i phong yong ki, wei kamjooh ha ka yalehke em kiwa jop wa kiwa rem wei kiwa rem ym toh wow randien ki tangwa toh u nang minot ki khnang wa i sap yong ki kam kiwa yalehke ym man i iwa depai.
Ha kani ka sngi da sdang ya ka Tournament da ka yalehke hapyrdi ka Nonglamin FC pyrchah ya ka St. Joseph FC heiwa da jop da ka Nonglamin da 4-3.
