Sdang ka Subroto Mukherjee Cup 2024 ka East Jaiñtia Hills

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da sdang ya ka ynne ka sngi heiwa ha ka kyrdan U-15 Boys da em 14 tylli ki skur wa chimbynta, ha ka U-17 Girls da em 10 tylli ki skur katwa ha ka U-17 Boys da em 22 tylli ki skur kawa da pynman ha madan Dienchynrum wei ynne ka sngi sdang da pynman da ki yalehki ki U-17 Boys.

Ka Chiehruphi Secondary School da jop ko ya ka Ieng Swer Memorial Secondary School da 2-1 heiwa ya ka Chiehruphi da thap kool da u Pyniarbha Paslein ha ka minit wa 2 wa u Evanmidao Lamar haka minit wa 16 katwa ya ka Ieng Swer da thap da u Dawanki Dkhar haka minit wa 18.

Ka Sham Sham Secondary School da jop ko ya ka Dkhiah Presbyterian Secondary School da 4-2 deiwa yachut Tie-Breaker hadien wym em kiwa yoh u thap kool.

Ka Rymbai Govt. Higher Secondary School da rem ko ha ka Holy Trinity Secondary School da 6-4. Ya ka Holy Trinity da thap kool da u Wanshanlem Suja ha ka minit wa 7,12,17,48, neitæ u Fiarly Donladki War ha ka minit wa 30+1 wa u Banshankupar Dkhar haka minit wa 44 katwa ya ka Rymbai won da thap da u Baaijingkyrmen Suchen ha ka minit wa 28 wa 58 wa u Deogrecias Bareh ha ka minit wa 45 wa 48.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ka Divine Word Secondary School da jop ko ya ka Musniang Secondary School da 2-0 da ki kool wa thap u Mebanker Sumer ha ka minit wa 43 wa u Adarsh Singh ha ka minit wa 60+2.