Ka lympung yalehke wa tip kam ka 2nd T20 Cricket Tournament 2024 kawa pynlai da ka Sports Social and Cultural Club Ummulong da sdang ko ynne ka sngi ha Mini Stadium Ummulong heiwa ka yalehke wa nyngkong da pynman hapyrdi ka Umchangiar pyrchah yaka Staunch.
Da wan wai ya kani ka lympung da u Roskil Challam, SDO ka PHE kam u kongsan hei emlang ka Barisha Muthoh kam ka symbood kongsan deilang wa u waheh chnong ka Ummulong, u Leo Laloo, ki dkhot EC ka chnong, ki dkhot ka Ummulong Sport Club, ki waheh wa sian yong ka chnong wa kiwi tawon ki marjan chnong kiwa wan sakhilang.
Ha kani ka yalang da pynkup burom ya kawi ka khon yong ka chnong, ka Anastasia S Shullai kawa da chah jied u mihkhmat na ka jylla haka U-15 Women yong u snem 2023.
Ha ka yalehke ynne, yei kylla-khlem da jop da ka Umchangiar kawa da jied u Bat nyngkong wei da kamai ko 117/8. Uwa kamai boon run dooh toh u Lakhon Bareh uwa yoh 24 Run na 22 bol, u Ram Toi uwa yoh 21 Run na 26 bol. Neiliang kiwa kawang bol ka Staunch, u Langmi Bamon, u Carefully Gassah wa u Pynskhem Phawa da yoh ki mar 2 Wicket.
Hawa kdong yaka thong, ka Staunch da ye ko u jop du hapoh 18.4 Over deiwa dooh noh 5 Wicket. Uwa dat wa kamai Run boon dooh toh u Damechwa Dhar uwa yoh 31 Run na ki 21 bol wa u Carefully Gassah 23 Run na ki 11 bol. Katwa neiliang ka Umchangiar u Kunemi Lato da yoh u 2 Wicket.
U Man of the Match ha kani ka yalehke toh u Carefully Gassah.
Discussion about this post