Sdang ka tamasa India International Cherry Blossom Festival 2018

Shillong: Ka India International Cherry Blossom Festival, 2018 wa pynman da ka chnat Forest & Environment ka sorkar jylla Meghalaya deiwa ya krehlang wa ka Institute of Bioresources & Sustainable Development (IBSD) wa ka Indian Council for Cultural Relations (ICCR), Government of India da wai ya ka ynne da u montri rangbah ka jylla u Conrad K Sangma ha ka yalang wa pynman ha madan Polo 5^thGround, Shillong.

Ha kani ka sngi wai pyrda da emlang u Kenji Hiramatsu, u Ambassador ka Japan cha India, Meghalaya Home Minister, u James P.K. Sangma, Tourism Minister, u Metbah Lyngdoh, Health Minister, u A.L. Hek, Education Minister, u Lahkmen Rymbui, Deputy Speaker, Meghalaya Legislative Assembly, u Timothy D Shira, Additional Chief Secretary, Government of Meghalaya, u P.S. Thangkhiew, Director, Institute of Bioresources and Sustainable Development (IBSD), Government of India, Prof. Dinabandhu Sahoo, Principal Chief Conservator of Forests, Government of Meghalaya, u C.P. Marak, wa kiwi de ki sahep sorkar.

U Conrad hei klam yong oo da ong u wa ka Cherry Blossom Festival 2018 da man ko kawa tipmit lang da kiwi ki ri deiwa emlang ka sorkar ka ri Japan lyngba i wan sakhi lang ki bru yong ka wei kani ka tamasa u man ko leh wow wanrah yei sñiaw yajan yow e yarap lang iwi ya iwi lyngba ki buit ki budia. Da ong u leh wa kani tamasa u man ko leh kam ka rynsaan wow pynman ya kiwi ki lehkmen nadooh ki lehke Sports, ki kaam pynyoo rong ya ka dustur riti, ki yaaw dai ya ki baam wa na kylleiñ ka thaaiñ mihsngi wa na ka ri Japan.

U Conrad da ong u wa i yatoh lok ka India wa ka Japan da lai bha ko cha khmat hadien wa u Prime Minister u Narendra Modi wa u Prime Minister ka Japan, u Shinzo Abe da yachem ki wei kani ka Cherry Blossom Festival man leh kam chibynta wow pynskem ya ka yatoh lok kini ki artylli ki ri.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Chooh chooh da ong u wa kani ka tamasa daw yarap ko leh wow pynku ya ka kaam uiñke suwari hapoh jylla Meghalaya wa waroh kawi ka thaaiñ mihsngi.

U Ambassador ka Japan cha India, u Kenji Hiramatsu hei klam yong oo da ong uwa kani ka tamasa man ko kam ka dak i yatoh lok ka India wa Japan wei wai luti ko leh ya ki bru u sñiawthooh ki ya ka dustur riti yong kini ki ar ri.

U Conrad ha kani ka sngi da e u leh ya ka khusnaam Meghalaya Entrepreneurship Recognition Award (MEG-ERA) cha u Perastill R Sangma, uwa na ri-loom Garo uwa da yoh leh ya ka song poisa wa T. 1 lak.

Ha ka sngi nyngkong yong ka tamasa wa soo sngi da pynman ya ka Sky Diving, ka yakop Painting and Drawing, Dog Show, Story Telling, Fashion Show wa ka yakob Cutie kids.