Ka Bengaluru Solid Waste Management Limited (BSWML) hapoh ka Greater Bengaluru Authority (GBA), da sdang ko ya ka tamasa Kasa Surivua Habba (Garbage Dumping Festival) ha ki 190 tylli ki Ward ki san tylli ki Corporation ha Bengaluru.
Katkam wa ong u Karee Gowda, Managing Director, BSWML, kani ka tamasa da sdang ko ynne hadien ka hukum u Deputy Chief Minister wa u Bengaluru Development Minister, u DK Shivakumar wow yakhun pyrchah yei jhep.
U Gowda da ong u wa ki Marshal da riñ Video ki ya ki bru wa myllien wow noh jhep kat chawa yoh wei da booddien ya ki cha yung kamjooh wa ki Phone Number yong ki. Hadien ini da lai noh yei jhep hakhmat yung ki deiwa em ki sabut wa biang.
Ki Engineer ka BSWML da ong ki wa i lai kit yei jhep na yung ki bru da booh da ki Auto Tippers wei da da booh ya ki thaw wow lai booh ki bru yei jhep wei najrong wa da pynsñiawthooh kattæ leh dang em kiwa lai noh yei jhep ha ki muna plastic ha ki kdong ki chmiang.
Ha ki yalang wa ki sahep kamjooh wa leh ya ka Walk With Citizens’ Initiative ha Bengaluru East City Corporation, u Deputy Chief Minister da phah u ya u GBA Chief Commissioner u Maheshwar Rao wow leh yeiwa emkaam hajrong i jhep wa mih ha Bengaluru.
Discussion about this post