Ka U-15 Inter District Cricket Tournament 2023 wa pynman da ka Meghalaya Cricket Association (MCA) da sdang ko ynnin ka sngi heiwa ha uni u snem kawi ka yalehke u pynman ka ar sngi deiwa chah 2 Innings chiliang.
Ki thaw wow pynman ya ki yalehke toh ha Umbuda ha Ri-Bhoi wa ha Williamnagar ha East Garo Hills.
Ha ka Zone 1 wa da sdang ynnin ha Umbuda, da pynman hapyrdi ka Shillong Cricket Association-A waka Ri-Bhoi District Cricket Association. Katwa ka Zone 2 daw sdang ko ha ka 15 tarik.
Ha kani ka yalehke, ka Ri-Bhoi da haap lut ki Wicket ko deiwa kamai 107 Run ha ka Innings wa nyngkong tangwa ka SCA-A da jubab ko deiwa kamai 60 Run, ka Ri-Bhoi ha ka Innings wa ar da kamai ko 135 Run (All Out) iwa mut wa ka SCA-A dang emkaam ko 183 Run yow jop myntu.
Hapoh ka Zone 1 da em ka SCA-A, RBDCA waka SCA-B hapoh ka Group A katwa ka East Khasi Hills Cricket Association, East Jaintia Hills District Cricket Association waka West Jaiñtia Hills District Cricket Association em ki hapoh ka Group B.
Ha ka Zone 2 da em ka Tura District Cricket Association, South Garo Hills District Cricket Association waka West Khasi Hills District Cricket Association hapoh ka Group A katwa ka East Garo Hills District Cricket Association waka North Garo Hills District Cricket Association won hapoh ka Group B wei kini ki ar liang wa em hapoh ka Group B daw hap yachem ki mar arsien.
