Ka spah Run na ka Sildamicresha Marbaniang wa 5 Wicket ya ka Abiezer Kharsyiem da pynjop ko yaka West Khasi Hills da 26 Run yaka Shillong Cricket Association ha ka yalehke wa nyngkong ka U-23 Women’s Inter District Cricket Tournament wa da pynman da ka Meghalaya Cricket Association ha Nongstoin ynnin ka sngi.
Ka Marbaniang da yoh ko 106 na 108 bol hadien wa ka WKH jop ko ya ka kylla khlem wei da jied ko wow Bat nyngkong iwa da yarap wow pynyoh 207/9 na waroh ki 35 Over.
Ka Neha Hajong da yoh ko 3/35 waka Natasha Rabha 2/55 neibynta ka SCA.
Ka Shillong hawa kdong ya ka thong da yoh ko 181/10 na ki 27.5 Over deiwa yoh ka Hajong 29, ka Mansi Anand 28 waka Suriti Kumari Rai 65..
Ya ka WKH da pynhaap Wicket da ka Kharsyiem kawa da yoh 5/30.
Kamtæ ka WKH da yoh nyngkong ko ha ka Group B ka Zone 1 da ini i jop wa nyngkong.
Ha kani ka Tournament da em 10 tylli ki Team wa chimbynta. Ka Zone 1 da em ko 6 Team kiwa da yabhah ar liang heiwa ka East Khasi Hills, ka All Jaintia CA wa Ri-Bhoi u em ki hapoh ka Group A katwa ka WKH, SCA wa South West Khasi Hills em ki hapoh ka Group B.
Haka Zone 2 da em du kawi donhi ka Group wa em ka Tura District CA, North Garo Hills, East Garo Hills wa South Garo Hills. Waroh ki yalehke ka Zone 2 daw pynman ha Nongalbibra, South Garo Hills, kiwa daw sdang ha ka 24 tarik.
