Khliehriat : Kam chi bynta wow pynkhreh neibynta wow lai chimbynta cha ka “Third Division Football Tournament” kawa pynman da ka East Jaiñtia Hills District Football Association (EJHDFA), ka Umlyngsha Youth Society & Sports Club (UYSSC) da pynman ko da ka Inter Dong yow jied ya kiwa yalehke wa em sap wei wow pyn yajan ya maya hapoh ka chnong khamtam para khynnah khynroo wa ya kiwi kiwi, da ong u ma Wellmiyo Syrti, President UYSSC.
Kamtæ ha kani ka lympung da phiah soo dhab (Dong) wei da pynyalehke hei dur ka 8-Aside wa da chah leh ya ki Dong wow wanrah ki ya kiwa yalehke du soo ngut kiwa na bar chnong khnang, yow ku i rukom yalehke wei wow pynchlur ya kiwa yalehke wow tia ki chaphrang da ong chooh chooh u W Syrti.
Ka yalehke ynnin ka sngi heipor 1:30 i sngi da jop ka Dong Pyrdi 7-0 pyrchah ya ka Dong East Colony heiwa u Ajoy Talang da yahkmat u dei wa thap Hatrick ya ka Dong Pyrdi bood sa ka kool na Banjop Nongtdu kol, u Shemlut Talang uwa da thap ar kool, wa na u Ariston Suchiang uwa da thap chi kool.
Ha ka yalehke wa ar heipor 3:00 Nohchariñsngi ka yalehke man ko kawa yoosuk bha wei ryngkat bor bha hapyrdi ka Dong Main Road kawa da jop pyrchah ya ka Dong Khadlynraw da 4 – 1. Ya kini ki kool da thap da u Toni Talang uwa da ye u thap ar kool, bood sa ka kool na u Piarly Chadong, wa na u Wellmiyo Syrti uwa da thap chi kool.
Kani toh ka khubor ka wa phah da u N.L. Talang Secretary UYSSC , East Jaiñtia Hills.
Discussion about this post